Претседателот на Србија, Александар Вучиќ изјави денеска во Париз дека може да дојде уште еден голем инвеститор во Белград, овој пат од светот на високата мода.
„Не се разбирам од мода, но инвеститор од светот на модата, Луј Витон, исто така може да дојде во Белград“, рече претседателот.
Како што додаде, „доаѓањето на еден таков инвеститор е добар знак и за другите, бидејќи кога ќе дојде Луј Витон, тогаш доаѓаат и други“.
Името Луј Витон е синоним за луксуз и квалитет повеќе од 150 години. Од основањето во 1854 година, брендот успешно се справи со плагијатори и создаде нови трендови, успевајќи да одржи производи со многу висок квалитет.