Авиокомпанијата Ryanair минатата година оствари финансиска загуба од околу една милијарда евра, соопшти управата на компанијата.
Според официјалните податоци, во третиот квартал од минатата година, загубата изнесувала 306 милиони евра, пренесуваат агенциите.
„Во последните три месеци од претходната година беа превезени 8,8 милиони патници, што е за дури 78 проценти помалку отколку во 2019 година, кога беа пренесени 35,9 милиони патници во истиот период“, наведоа од Ryanair, која е нискобуџетна авиокомпанија.
Сепак, Ryanair не планира да ги намали трошоците и се посочува дека профитот по завршувањето на пандемијата на коронавирусот ќе биде исклучителен.