Фејсбук работи на паметен часовник, кој ќе содржи карактеристики со фокус на здравјето и пораките, според „The Information“.
Паметниот часовник на Фејсбук ќе користи софтвер со отворен извор на Гугл, но компанијата развива и сопствен оперативен систем што може да се појави на уредите, а овие часовници се очекуваат во текот на 2023 година.
Паметниот часовник се очекува да има тесна интеграција со апликациите на Фејсбук како што се Messenger, WhatsApp и Instagram. Исто така, ќе поддржува мобилна поврзаност, овозможувајќи брзо да комуницирате со пораки, без да се потпирате на вашиот телефон.
Извештајот сугерира дека Фејсбук ќе овозможи уредот да се поврзе со хардвер и услуги на здравствените и фитнес-компаниите.
Паметниот часовник на Фејсбук нема да се појави пред 2022 година, а изворот тврди дека цената се очекува да биде близу до трошоците потребни за производство на уредот, но не ја споменува конкретната цена.