Гасоводот „Северен тек 2“ ќе се гради и покрај деструктивните чекори на Вашингтон насочени кон попречување на овие напори, изјави рускиот вицепремиер Александар Новак. Во интервју за телевизијата Русија 1, тој рече дека европските земји се заинтересирани за гасоводот.
„Сигурни сме дека ќе биде изграден и покрај деструктивните пристапи што ги видовме во Соединетите држави, што го одложи спроведувањето на овој проект“, рече Новак, пренесува ТАСС.
Според него, овој проект е целосно во согласност со европските закони.
„Тука постои ривалство охрабрено од американските партнери, кои сакаат да ја снабдуваат Европа со течен природен гас, и ова се во основа непазарни методи на конкуренција“, изјави Новак.
Тој посочи дека гасоводот е изграден 95 проценти.