Претседателот на Србија, Александар Вучиќ денеска апелираше до граѓаните да се вакцинираат и да бидат подисциплинирани, бидејќи секој ден „заклучување“ ја чини државата 190 милиони евра.
На заедничката прес-конференција со кинескиот амбасадор Чен Бо, Вучиќ рече дека Србија не знае дали, како Кина, годинава ќе може да постигне економски раст од шест проценти.
Тој рече дека еден ден заклучување, како мерка за борба против ширењето на пандемијата, чини околу 190 милиони евра, што се многу пари, и поради тоа, државата се обиде да не оди со најтешките мерки со цел да се развие економијата.
„Никој не прашува колкави се трошоците за лекарите и болниците. Би ги замолил сите граѓани да помогнат и да одат на вакцинација, да бидат малку подисциплинирани“, рече тој.