Словенечкиот развивач на софтвер „Даталаб“ потпиша договор за преземање на македонската компанија „ИнКом“, соопштија оттаму.
„ИнКом“ и нејзините 10 вработени се специјализирани за имплементација на деловна информатика и практично ќе го удвојат капацитетот за имплементација на филијалата на „Даталаб“ во Северна Македонија, рече словенечката компанија во изјавата за Љубљанската берза во вторникот.
– Покрај локалниот пазар, ќе ги надополниме и нашето присуство и капацитети на бугарскиот пазар, бидејќи јазиците и деловното опкружување се доста слични, а силното регионално седиште ќе помогне во консолидирање на косовскиот и албанскиот пазар, соопштија од „Даталаб“.
Директорот на „ИнКом“, Сашо Јовановски ќе ја преземе челната позиција на „Даталаб“ во Македонија, а сегашниот директор ќе ги води продажните активности на филијалата. Основачот на „ИнКом“, Ѓорѓи Николов ќе ја преземе функцијата шеф за поддршка на клиенти во Македонија, пренесе Индикатор.