Додека некои фитнес трендови „TikTok“ бараат опрема, други не бараат ништо друго освен сила на волјата.
Нов фитнес тренд без опрема кој стана вирален е изометриското движење на стомакот, наречено „абдоминален вакуум“.
Хаштагот #stomachvacuum има повеќе од 100 милиони прегледи на „TikTok“, а со брз скрол ќе забележите што е во основата на движењето – драматичен здив, проследен со вшмукување на стомакот за да ви се видат јасно ребрата.
Додека ги гледате овие видеа, може да се појави прашањето: Што точно треба да прави „абдоминалниот вакуум“?
Тоа е движење за зајакнување што ги таргетира предните стомачни мускули, преку изометриско задржување.
Доктор Џордан Д. Мецл, лекар по спортска медицина во болницата за специјална хирургија и автор на „The Workout Prescription“, го нарекува ова движење „прегиб на бицепсот за стомачни мускули“ и вежбата ја споредува со планк.
Кејти Ванг, личен тренер и инструктор го споредува со изометриско сквотирање.
Додека вакуумот во последно време ги обиколува социјалните мрежи, Ванг вели за „Today“ дека овој потег не е ништо ново.
– Вашите инструктори по јога зборуваа за тоа, вашите инструктори за пилатес зборуваа за тоа… секогаш кога ќе кажеме „папок до кичма“, тоа е верзија на тој абдоминалen вакуум – објаснува Ванг.
Една од сметките што објавува видеа за абдоминалниот вакуум е @drjennipt, која ја води физиотерапевтот и онлајн тренер Џени Бренеке.
Бренеке препорачува оваа вежба да се изведува наутро на празен стомак. Нејзиниот Водич, кој собра над 660 илјади прегледи, ги води следбениците низ оваа визуелна демонстрација:
@drjennypt Drop the “it’s bad for you” comments below ⬇️ #stomachvacuums #abs #vacuums #waistline ♬ original sound – Ⓜ️🫀.