Раперот Михајло Веруовиќ Војаж настапи синоќа, на 31 јули, во Охрид но концертот набрзо беше прекинат.
Војаж се огласи на своите социјални мрежи, а ја откри и причината за прекинот на настапот кој Македонците со нетрпение го чекаа.
Поради големиот број посетители и безбедносни проценки, државните служби одлучија да го откажат настанот.
-Поради интервенција на полицијата бев принуден да го прекинам настапот во Охрид. Поради преголемата посетеност и безбедносната проценка на државните органи, интервентната единица реагираше и ми го прекина настапот и ме симна од сцената – започна младиот рапер, па додаде дека следниот пат ќе прави уште поголем спектакл, но и се извини до фановите за неочекуваниот исход.
„Охрид, беше супер, многу ми е жал што настапот беше прекинат бидејќи енергијата беше неверојатна, но не можеме да одиме против одлуките на државните органи. Се надевам дека наскоро ќе успееме да го надоместиме ова, и да направиме уште поголем спектакл. Војаж ве сака и благодарам за разбирањето“, порача тој преку Инстаграм.