Ако некогаш сте размислувале за можноста за пензионирање во странство, постојат безброј фактори што треба да се земат предвид. Најдобрите дестинации за 2026 година беа избрани врз основа на пристапот до здравствена заштита, трошоците за живот и временските услови.
За среќа, годишниот извештај за дестинации на списанието „Интернешнал ливинг“ (International Living“ ги анализира сите клучни елементи, од трошоците за живот до тоа колку е лесно да се преселите.
Клучните фактори вклучуваат барања за виза, пристап до здравствена заштита и климата на земјата.
По анализата на 195 земји, студијата ја именува Грција за најдобра дестинација за пензионери во 2026 година. Грција нуди топла клима, жива заедница, а иселениците можат да изнајмат куќа со три спални соби со поглед на море за околу 1.000 евра месечно.
Според „Интернешнал иншуранс“, здравствениот систем во Грција вклучува и јавно здравство и приватни даватели на услуги.
Пензионерите можат да очекуваат да платат околу 250 евра месечно за приватно здравство за да добијат „доследно добра“ грижа.
Исто така, постои висок сооднос на медицински специјалисти во однос на населението, а основната итна медицинска помош е бесплатна за сите, вклучително и за странците.
Аптеките, ординации надвор од работното време и здравствените центри во заедницата нудат дополнителни опции за здравствена заштита.
Во помалите градови и на оддалечените острови, аптеките се опремени за да обезбедат низа медицински услуги, вклучително и помош при помали итни случаи, објави британски „Експрес“.
Втората најдобра земја за преселба во 2026 година е Панама. Нуди активна заедница на иселеници и постои избор помеѓу јавно и приватно здравство, при што приватното нуди модерни објекти и персонал што зборува англиски.
Најдобрите земји за пензионирање во 2026 година:
Грција
Панама
Костарика
Португалија
Мексико
Италија
Франција
Шпанија
Тајланд
Малезија