Пејачката Данијела Мартиновиќ на социјалните мрежи објави дека е жртва на кражба на идентитет.
Имено, како што објави преку Инстаграм, одредени компании го користат нејзиното име за да ги рекламираат своите производи, а пејачката упати апел до луѓето да не веруваат во овие реклами и нагласи дека таа нема никаква врска со тоа.
„Не наседнувајте на лажни огласи во кои рекламираат медицински препарати користејќи го мојот лик, име и презиме. Твоја Данијела“, напиша Мартиновиќ.
View this post on Instagram
Иако не прецизираше точно за кои фирми и огласи станува збор, таа јасно стави до знаење дека не стои зад никакви кампањи, а луѓето и се заблагодарија во коментарите и ја поддржаа.
Дополнително, Мартиновиќ не е единствената јавна личност на која и се случило вакво нешто, а на кражба на идентитет се пожалиле и Нина Бадриќ, Драгана Мирковиќ и други јавни личности.