Црногорскиот актер Жарко Лаушевиќ ќе биде кремиран, а неговиот погреб ќе биде на 20 ноември на Новите гробишта во Белград во 14 часот, потврди за Танјуг неговата сопруга Анита Лаушевиќ.
Жарко Лаушевиќ почина на 15 ноември 2023 година на 63-годишна возраст, по кратко и тешко боледување.
Како што пишуваат српските медиуми, актерот пред два месеци бил во болницата Бежанијска коса во Белград поради проблеми со белите дробови, но минатиот месец се појавил на премиерата на филмот „Heroji Hilijarda“ каде публиката го поздравила со громогласен аплауз.