Стандард
ЕКОНОМИЈА

Акциите на Комерцијална најтргувани на Македонска берза во 2020 година

Акциите на Комерцијална банка се најтргувани на официјалниот пазар на Македонска берза, покажува Годишниот билтен.

Истргувани се 333.907 акции преку 7.476 трансакции, по просечна цена од 6.590,08 денари, а остварен е промет од 2.183.942.606 денари.

На второ место се акциите на Алкалоид, чија просечна цена е 12.174 денари, а во текот на минатата година реализирани се 3.883 трансакции со 89.995 акции и промет од 1.054.482.870 денари.

Со 2.417 трансакции, трети најтргувани се акциите на Макпетрол, коишто достигнаа просечна цена од 67.741 денар и промет од 643.927.219 денари, а истргувани се вкупно 9.735 акции.

Првата “петорка“ најтргувани акции се оние на НЛБ Банка (1.563 трансакции) и Гранит (2.102).

Во втората половина од 10-те најтргувани акции се: Стопанска банка Скопје, ТТК Банка, УНИ Банка, Стопанска банка Битола, Реплек Скопје и останатите.

Во текот на минатата година, истргувани се вкупно 1.640.133 акции во 22.138 трансакции, достигнувајќи промет од 5.645.710.832 денари.

Поврзани вести

Бектеши: Угостителите да не ги отпуштаат работниците, ќе добијат помош во форма на грант

Влатко Зорба

Вредноста на Синдикалната минимална кошничка за јануари изнесува 33.650 денари

Влатко Зорба

ИВАП бара вклучување во петтиот пакет мерки: „Нашите бизниси се пред колапс“

Влатко Зорба
error: Превземањето на содржина без дозвола од авторот е дело казниво со закон!!!