СТАНДАРД life
ЕКОНОМИЈА

Битиќи – Хајдари: Да создаваме економски политики за зголемување на меѓусебната соработка и подобрување на конкурентноста на Западен Балкан

Заменикот на претседателот на Владата на Република Северна Македонија, задолжен за економски прашања, координација на економските ресори и инвестиции, Фатмир Битиќи, еднодневната работна посета во Република Косово ја започна со средба со министерката за трговија, претриемништво и индустрија Розета Хајдари, со која разговараа за економската соработка помеѓу двете земји.

Вицепремиерот Битиќи посочи дека е исклучително важно Владите на земјите од Западен Балкан да креираат кохерентни и конзистентни политики со кои ќе се зголемува конкурентноста на регионот, наместо конкуренција помеѓу земјите, пришто ќе се унапредува меѓусебната економска соработка, во насока на подобрување на условите за живот и создавање на повисок животен стандард за сите граѓани во која и од земјите да живеат. Преку „Берлинскиот процес”, кој се реализира со поддршка од влијателни земји-членки на ЕУ, направени се сериозни чекори со кои се унапредува дијалогот помеѓу Владите, но и претставниците на бизнис заедницата и се започнати сериозни реформи кои ќе ги доближат сите земји од Западен Балкан до членството во Европската Унија.

Економската соработка помеѓу Република Северна Македонија и Република Косово, како две соседни и пријателски земји, има сериозен потенцијал да се продлабочува уште повеќе, заклучија на меѓусебната средба вицепремиерот Битиќи и министерката Хајдари и посочија дека за поздравување е податокот дека трговската размена во првите три месеци од 2021 бележи пораст од 30%.

Министерката Хајдари и вицепремиерот Битиќи се заложија да продолжат со заедничките ангажмани за да ја унапредуваат економската соработка помеѓу двете земји, но и да работат на подигнување на конкурентноста на регионот во интерес на сите граѓани.

Поврзани вести

Заев најавува и најмалку десет нови турски инвестиции

Влатко Зорба

Занаетчиската комора изрази загриженост поради доцнењето на петтиот пакет мерки

Влатко Зорба

Аналитичари: Ограничувањето на летови поради коронавирусот ќе предизвика загуби од 10 милијарди долари