Градежната комора на Македонија соопшти дека цените на становите во Скопје, поточно во центарот на градот, ќе надминат 2.000 евра по квадрат. Причина за забрзаниот раст на цените има повеќе, но главно е дека растат цените на материјалите за работа.
Според пресметките на комората, градежните материјали се поскапени за 80%, а се поголем проблем претставува и нивната набавка заради пандемијата. За градежните фирми и работната сила станува се поскапа.
Градежниците велат дека иако секторот не бил директно погоден од пандемијата, не останал имун на кризата заради поврзаноста со другите гранки.
Во текот на 2020 градежништвото паднало за 2,1%, но негативниот тренд продолжил и годинава.