СТАНДАРД life
ЕКОНОМИЈА

Инспекциските служби спровеле 5.197 надзори и контроли, затворени се 8 угостителски објекти

Во периодот од 29-ти март до 4-ти април, од страна на седумте инспекциските служби, се спроведени вкупно 5.197 надзори и контроли.

При спроведените надзори, Државниот пазарен инспекторат, изрече 34 прекршочни пријави, 91 решенија за констатирани неправилности, како и 43 прекршочни платни налози.

Од вкупниот број на решенија, осум решенија се донесени поради непочитување на Законот за заштита на населението од заразни болести и
Протоколот за работа на угостителските објекти, односно на лице место се затворени осум угостителски објекти и тоа по два угостителски објекти во Скопје и Битола, и по еден угостителски објект во Гостивар, Тетово, Струга и Куманово, во кои не се почитувало работното време и/или ограничувањето за четири лица на една маса.

„Апелирам до правните лица, до граѓаните, да ги почитуваат новите мерки, ги охрабрувам инспекторите да вршат контроли и надзори, нема толеранција кога е во прашање заштитата на здравјето на граѓаните. Ова е период кога треба сите да го дадеме максимумот во битката со вирусот. Видовме дека овој бран на вирусот е многу поопасен и побрзо прогресира, и затоа е клучно ограничувањето на бројот на контакти и почитувањето на мерките. Да се заштитиме себеси, нашите најблиски, и секако да го намалиме притисокот врз здравствените работници“, изјави претседателката на Инспекцискиот совет, Магдалена Филиповска-Грашкоска.

Поврзани вести

УЈП: Доставени годишните даночни пријави, најдоцна до 31 мај граѓаните да ги проверат

Официјално одобрено спојувањето на Фиат и Пежо: Новата марка на автомобили е Стелантис

Никола Поповски

Бектеши: Приоритети ќе бидат создавањето на нови работни места и подобар животен стандард за граѓаните