СТАНДАРД life
ЕКОНОМИЈА

Изгласан новиот ДУП Градска четврт Ц 04 – Дом на градежници

Во салата на Советот на Општина Центар денес се одржа продолжението на 59-тата седница. На дневниот ред за работа беше единствена точка, донесувањето на Деталниот урбанистички план за Градска четврт Ц 04 – Дом на градежници.

Се работи за градска четврт која во голем дел е реализирана и голем дел од објектите се задржуваат во постојна состојба.

Во споредба со стариот ДУП кој предвидува 4043 метри квадратни парковско зеленило, новиот план има вкупно 5889 метри квадратни парковско зеленило, со што речиси 13% од површината на четвртта е под парковско зеленило.

Наместо да се проширува, евидентиран е постојниот паркинг и задржан е во сегашната состојба, а зголемен е процентот на зеленило и дрвореди.

Наместо како што стариот план предвидува, изградба на паркинг на веќе постоечко детско игралиште, детското игралиште со површина од 408 метри квадратни во новиот план е зачувано, како и постојниот паркинг околу него, наместо изведба на паркинг на целата површина. Согласно новиот план, сите нови објекти мора да го обезбедат неопходниот број паркинг места во своја парцела.

Избришан е еден објект за колективно домување кој според стариот план би се градел на државно земјиште, а во новиот план заменет е со локален парк од 262 метри квадратни и пешачка патека.

Стариот план предвидува заеднички подземен паркинг за дел од парцелите, воедно предвидена е пристапна улица на местото на пешачката патека „Кај Маршалот“. Со новиот план секој објект треба засебно да предвиди паркирање. За објектите од внатрешноста на блокот се предвидува пристап преку пасажи од улицата Максим Горки, со што се задржува пешачката патека “Кај Маршалот“ и истата нема да стане улица за автомобили.

📌 На денешното продолжение на 59-та седница на Советот го изгласавме ДУП-от за Градска четврт Ц 04 – Дом на…

Posted by Саша Богдановиќ on Thursday, January 28, 2021

Поврзани вести

Тасева: Најсигурна егзистенција нудат вработувањата во државната администрација

Берта Китинска

САСА ќе продолжи да вложува над 300.000 долари годишно во развојот на заедницата

Влатко Зорба

Бесими: Со ребалансот на буџетот ќе се обезбедат 70 милиони евра за финансиска поддршка за исплата на плати