Кина минатата година извезе производи ширум светот во вредност од 2.499 илјади милијарди долари, покажуваат податоците на World’s top exports.
Најголем дел од тој износ или 671 милијарда долари доаѓаат од извоз на електрични машини и опрема. Втор најголем извозен адут на Кина е извозот на компјутери и друг вид на таква опрема со 417 милијарди долари. Меѓу петте најмногу извезувани производи се и: мебел (99,5 милијарди долари), пластика и пластични предмети (84,4 милијарди долари) и возила (74,4 милијарди долари).
Кога се работи за земјите во коишто “завршуваат“ најголем дел од производите што Кина ги извезува се: САД (418,6 милијарди долари), Хонг Конг (279,6 милијарди долари), Јапонија (143,2 милијарди долари), Јужна Кореја (111 милијарди долари) и Виетнам (98 милијарди долари).