Стандард
ЕКОНОМИЈА

Компаниите од метало-преработувачката индустрија, металургијата, текстилната и кожарската индустрија се ослободени од царински давачки од 7,1 милиони евра за суровини и репроматеријали

На вчерашната, 40-та седница, Владата донесе одлука за укинување на увозните давачки – царинските стапки, на одделни суровини и репроматеријали кои се употребуваат во преработувачката индустрија со цел да ги олесни условите за работење на овие компании и да овозможи да се зголеми нивната конкурентност во услови на пандемија и отежнато работење на компаниите од преработувачката индустрија.

Со одлуката за укинувањето на увозните давачки која ќе стапи на сила на 1 февруари, компаниите ќе бидат ослободени од царинските давачки во висина од 7,1 милион евра за 71 одделни суровини и репроматеријали кои се употребуваат во метало-преработувачката индустрија.

Предлог листите на производи опфатени со оваа одлука, која е првата усвоена одлука од новиот Пакет 5 економски мерки за справување со последиците од КОВИД-19, се изготвени по извршена консултација со компаниите членки на Стопанската комора од секторите на метало-преработувачката индустрија, металургијата, текстилната и кожарската индустрија, кои за увоз на суровини и репроматеријали во 2019 година платиле вкупно 162,4 милиони евра.

Поврзани вести

Трговскиот дефицит во периодот јануари – ноември 2020 година изнесува 1.568.814.000 евра

Влатко Зорба

Одобрена првата фаза од постапка за доделување договор за јавно приватно партнерство за дистрибутивниот систем на природен гас

Листа на држави најдобри за жени, еве како стои Македонија

Stefanija Kuzmanovska
error: Превземањето на содржина без дозвола од авторот е дело казниво со закон!!!