СТАНДАРД life
ЕКОНОМИЈА

Од утре во употреба новата жичница „Лајтнер“ во ски – центарот „Попова Шапка“

Од петок, 29 јануари, првпат за оваа сезона ќе биде пуштена во употреба новата шестоседа жичница „Лајтнер“ во Ски – центарот „Попова Шапка“.

Користењето на шестоседот „Лајтнер“ во петок, на првиот ден на пуштањето на жичницата за оваа сезона, за панорамски разглед за посетителите на Ски – центарот „Попова Шапка“ е БЕСПЛАТНО. На овој настан ќе присуствува и министерот за економија, Крешник Бектеши и управтелот на ЕЛЕМ ТУРС, Адем Авзиу.

Станува збор за супермодерна жичница, единствена од ваков вид во земјава. Должината на трасата на жичницата е 1.510 метри, со максимален капацитет за транспорт на 2.400 скијачи на час. Шестоседата жичница е позиционирана на локацијата од „Мал Јелак“ до врвот на ски-лифтот „Ајдучка Рамнина“ (поранешно Ге).

По трасата на новата жичница ќе се овозможат нови ски-патеки во должина од над 3 км. Останатите денови шестоседата жичница ќе работи редовно, како и останатите ски – лифтови и жичници во Ски – центарот, од 9 до 15,30 часот. Цената за едно возење на шестоседата жичница која ќе важи од сабота е 150 денари. За сите билети во Ски – центарот се наплаќа повратна кауција во висина од 200 денари.

Новата жичница со постојните ски – лифтови и жичници ќе овозможи подобар и побрз проток на скијачи и ќе понуди уште поатрактивни скијачки патеки. Со тоа, Ски – центарот „Попова Шапка“ и оваа сезона е вистинскиот избор за скијање и сноубординг и за сите кои уживаат во зимските спортови.

Поврзани вести

Грција ја продолжи забраната за авионско, железничко и копнено поврзување со Северна Македонија

„Оштетени штедачи“: „Пожарот“ што се случи во Еуростандард банка е илјада пати поголем и посилен иако не се виде пламен

Влатко Зорба

ДЗ банка: Пазар за вакцини од 217 милијарди долари во 2022 година

Stefanija Kuzmanovska