Стандард
ЕКОНОМИЈА

ОПЕК+: Нафтената војна е завршена, но поради коронавирусот бензините остануваат ефтини

Саудиска Арабија, Русија и другите земји извознички на нафта од ОПЕК+ и групата Г-20 синоќа склучија конечен договор за кратење на вадењето сурова нафта во висина од 9.7 милиони барели дневно. Но, помалку извадената нафта, сепак, нема да го стабилизира пазарот, бидејќи побарувачката останува пониска од понудата поради светската криза со пандемија од коронавирус.

Маратонските преговори минатата недела, четири денови непрекинато преку видео врска, беа продолжени откако Мексико побара да скрати само 100 илјади барели дневно, иако Саудијците настојуваа таа бројка да биде 400 илјади. Како помош за Мексико, обврска за тоа да скрати плус 300 илјади барели дневно презеде САД.

Нацрт-договорот од четвртокот укажуваше 10 милиони барели помалку нафта дневно, но САД, Бразил и Канада се согласија да ги надоместат и тие 350 илјади барели.

Помалку извадената нафта, сепак, нема да го стабилизира пазарот бидејќи побарувачката е се уште пониска од понудата, поради светската криза со пандемијата на коронавирусот.

Пандемијата ги затвори економиите на многу западни земји, вклучително и на САД, со што потрошувачката на сурова нафта во моментов е 35 проценти помалку од вообичаените 100 милиони барели колку што се трошат во светот дневно. Се разбира, ова предизвика и пад на цените на нафтата.

Поврзани вести

Самостојните вршители на дејност ќе добијат поддршка од државата за октомври, ноември и декември

Недела ден за одмор: Дел од маркетите одлучија, овој ден да биде неработен

Берта Китинска

Голомеиќ: Интересот за прослави во 2021 е голем, очекуваме на пролет предлог протоколи

Влатко Зорба
error: Превземањето на содржина без дозвола од авторот е дело казниво со закон!!!