Стандард
ЕКОНОМИЈА

Прв онлајн настан меѓу Стопанските комори на Украина и С. Македонија

На иницијатива на Амбасадата на Украина во Република Северна Македонија и Стопанската комора на Украина, како и со помош на Советот на извозници и инвеститори при Министерството за надворешни работи на Украина и Министерството за надворешни работи на Северна Македонија, на 07 април 2021 година се одржа Првиот украинско-македонски онлајн настан посветен на развојот на соработката помеѓу водечките организации на претприемачи на Украина и Северна Македонија (Стопанските/Економските комори).

На настанот присуствуваа директорот на Одделот за економска дипломатија на Министерството за надворешни работи на Украина Дмитро Пономаренко, Претседателот на Стопанската комора на Украина Геннадиј Чижиков, Амбасадорката на Украина во Северна Македонија Наталија Задорожњук, Амбасадорот на Република Северна Македонија во Украина Крум Ефремов, помошник директор на директорат на економска дипломатија во Министерстерството за надворешни работи на Северна Македонија Амбасадор Илија Псалтиров и раководителите на трите Стопански комори на Северна Македонија.

Учесниците на настанот со задоволство го забележаа растот на меѓусебната трговска размена меѓу Украина и Северна Македонија во 2020 година за скоро 50% до 101 милион американски долари, кој стана најдобриот показател во билатералната трговија во изминатите 8 години и позитивен тренд за зголемување на обемот на трговската размена, кој продолжува и оваа година (+ 100% во првиот квартал од оваа година).

За време на онлајн настанот беа презентирани потенцијалот, можностите и насоките на соработка во областа на развојот на билатералната трговија и промоција на бизнисот, исто така беа дискутирани новите современи форми на соработка, особено во контекст на тековната пандемија на коронавирусот. Покрај тоа, претседателот на Стопанската комора на Украина Г.Д. Чижиков го истакна неодамнешното назначување на претставник во Северна Македонија Александар Урбанович како чекор кон исполнување на потребите на деловната заедница на двете земји за наоѓање на партнери и развој на заемно корисна трговија.

Во рамките на онлајн состанокот исто така се одржа виртуелно потпишување на Меморандуми за разбирање и соработка помеѓу Советот на извозници и инвеститори при Министерството за надворешни работи на Украина и водечките Стопански комори на Северна Македонија. Документите се насочени кон олеснување на заемно корисната соработка меѓу страните, размена на корисни информации од областа на трговијата и претприемништвото, спроведување на заеднички настани со учество на водечките компании извознички на двете земји и промовирање на нивното учество на изложби, форуми, трговски мисии и слично.

Поврзани вести

Битиќи: Имаме најава за 4 нови инвестиции вредни над 300 милиони евра и нови 2.000 работни места

Влатко Зорба

Милијардерот Брансон не се откажува од државна помош, сега го нуди карипскиот остров

Stefanija Kuzmanovska

Авиокомпаниите предупредуваат: 25 милиони работни места низ целиот свет може да бидат загрозени

error: Превземањето на содржина без дозвола од авторот е дело казниво со закон!!!