Јагода Шахпаска, пратеничка од СДСМ и коалицијата, во денешната изјава истакна дека вработените во јавниот сектор ќе добијат за пет посто повисока плата за месец септември и дека истата ќе биде исплатена до 15-ти во месецот.
Таа исто така рече дека опозициската ВМРО-ДПМНЕ шири лажни вести и создава грижа кај граѓаните, додека Владата активно работи на подобрување на животниот стандард.
“За разлика од ВМРО-ДПМНЕ која парите ги трошеше на барок и стиропор, СДСМ се грижи грижи за граѓаните и обезбедува средства за подобрување на нивниот стандард.
Од минатата година до денес покачена е платата за 10% на медицинските сестри и 15% на докторите специјалисти, покачена е платата во образованието, обезбедена е финансиската состојба на 12 илјади стечајци.
СДСМ пртодлжува со мерките кои се во интерес на граѓаните на Република Северна Македонија“, рече Шахпаска.