СТАНДАРД life
ЕКОНОМИЈА

Тиквеш со загуба од 193,7 милиони денари во 2020 година

Во 2020 година во работењето на Винарска визба Тиквеш АД Кавадарци не се имплементирани промени во сметководствените политики и методи на вреднување на ставките во финансиските извештаи. Вкупните приходи забележаа намалување од 10,7%, односно намалување за 193,7 мил. денари. Намалувањето на приходите се должи од намалени приходи генерирани од домашниот пазар (за 19,9%). Бруто добивката бележи намалување од 16,7%, соопштија од компанијата.

„Освен категоријата трошоци за продажба и маркетинг која бележи зголемување за 6,3 мил. денари, сите останати категории на трошоци бележат намалување. Зголемени се и останатите оперативни приходи за 11,3 мил. денари. Се оствари оперативна добивка во износ од 75,8 милиони денари или намалување за 58% споредено со 2019 година.

Остварена е Нето добивката од редовното работење пред оданочување во износ од 70,2 мил. денари или намалување за 52,9%.

Во 2020 година за работењето во 2019 година не беа исплатени дивиденди.

Во 2020 година се остварија вложувања во материјални и нематеријални средства од 73,7 мил. денари. Значителен отпис (поголем од 30% од вредноста на средствата споредено со последните годишни ревидирани финансиски извештаи) не беше реализиран“, истакнуваат оттаму.

Поврзани вести

Фондот одлучи: Објавени имињата на четирите банки преку кои ќе се обесштетат депонентите на Еуростандард банка

Никола Поповски

МИС-КОМЕРЦ доби тендер од 537 илјади евра од ЕСМ за ангажирање помошна механизација

Влатко Зорба

НУК: Петте очекувања и барања на угостителите од новиот петти сет економски мерки

Влатко Зорба