Управата за финансиско разознавање, по низата текстови врзани за криминал, како што е перењето пари, упати соопштение во кое вели:
Имајќи го предвид интересот на јавноста и присутноста на текстови во однос на активностите за спречување перење пари и надлежностите на Управата за финансиско разузнавање, со цел прецизна информираност, го испраќаме ова известување со појаснување на институционалните надлежности.
Согласно со законските одредби, поконкретно членот 118 од Законот за спречување перење пари и финансирање на тероризам, секогаш кога постојат основи на сомневање за сторено кривично дело перење пари и/или финансирање на тероризам, Управата веднаш ги известува надлежните државни органи, како на пример Јавното обвинителство, кои одлучуваат за натамошните дејствија. Управата нема законска надлежност и ниту доставувала известување до супервизорските органи, како што се Комисијата за хартии од вредност, Народната банка, Агенцијата за супервизија на осигурувањето и сл., што е во согласност и со меѓународната пракса.