СТАНДАРД life
ЕКОНОМИЈА

Заради загуби „Етихад“ продава 38 авиони за милијарда долари

Авио-компанијата „Етихад Ервејз“ од Абу Даби, која долго време се бори со финансикси проблеми, потврди дека продава 38 авиони на една инвестициска копмпанија и на една лизинг компанија, во договор вреден милијарда долари, јави Бета.

Ова е последната мерка за намалување на трошоците на националниот авиопревозник на Обединетите Арапски Емирати.

Во соопштението „Етихад“ наведува дека продава 38 авиони, од кои 22 се „Ербас А330“ и 16 „Боинг 777-300Р“, во рамките на договорот со инвестициската компанија „ККР“ и лизинг компанијата „Алтава ер Ер Франс“.

„ККР“ соопшти дека  уште при купопродажбата, остварена на почетокот на 2020 година, авионите „Боинг 777-300Р“ му ги  враќа на „Етихад“ под наем, додека „Ербусите А330“ ќе бидат упатени на меѓународни клиенти.

„Етихад“ во последните три години забележа загуби од пет милијарди долари.

Паралелно со продажбата на авионите, „Етихад“ ќе ја откаже или ќе ја намали поддршката на авио-компаниите во кои инвестирал, а меѓу  нив се „Ер Берлин“, „Алиталиа“, „Ер Србија“, „Ер Сејшели“ и други.

Поврзани вести

Се изготвува нов закон за работни односи

msp-admin

Субвенции за печки на палети ќе добијат 454 граѓани

Состанок на премиерот Заев и Светска банка: Мерките ги ублажија негативните ефекти од кризата

Берта Китинска