Google и оваа година ги објави годишните податоци за пребарување, а кога се во прашање рецептите – еве кои најмногу се пребаруваа во 2023 година.
1. Бибимбап
Бибимбап е корејско јадење со ориз, а рецептот за ова јадење беше најмногу пребаруван на Google во 2023 година. Името доаѓа од зборот „бибим“, што значи „мешање“ и „бап“, што значи „варен ориз“. Се служи со ставање ориз во сад и додавање намул, односно комбинација од разни билки за јадење и паста од чили пипер од Гочујанг. Јајцето и сечканото месо се вообичаени додатоци на ова јадење, а сè добро се меша пред консумирање.
2. Еспето
Еспето е рибно јадење карактеристично за областа Малага и брегот на Гранада во јужна Шпанија. Станува збор всушност за сардини (најчесто ги има шест) кои се набиени на тенки и долги стапчиња, па изгледаат како големо раженче, а потоа се печат на скара. Единствените зачини се малку сол и маслиново масло, а рибата се јаде со прсти – по можност во близина на плажа.
3. Папеда
На третото место на „најгуглани“ рецепти во 2023 година е рецептот за индонезиското јадење папеда. Тоа е еден вид тесто направено од саго скроб, кој се добива од стеблото на саго палмата. Папедата има леплива текстура и се служи со цветни пупки од папаја или спанаќ.
4. Скипен ѓеврек
Ѓеврекот е тркалезно пециво кое потекнува од Полска, а се добива така што класичен ѓеврек се сече на половина, а потоа со рака или со лажица се отстранува неговата внатрешност за да може ѓеврекот да се наполни со други состојки по желба.
5. Паста е фагиоли
„Паста е фагиоли“ е италијанско јадење кое комбинира тестенини и грав. И додека јадењето варира од регион до регион, најчесто се прави со помали тестенини, како макарони. Основата е обично маслиново масло, лук, кромид, целер, моркови и често домати или доматна паста.