Путерот од кикирики е уживање кое многу нутриционисти и диететичари го препорачуваат како додаток на смути или како вкусен прелив за појадок или десерт. Сепак, како и секоја друга храна, путерот од кикирики треба да се јаде умерено, а диететичар откри и зошто.
Ова вкусно и кремасто задоволство е богато со протеини и растителни влакна, но ако се јаде премногу од нив може да се зголеми телесната тежина, вели диететичарката Ејми Гудсон.
„Конзумирањето премногу калории од која било храна, особено храната со повеќе масти како путер од кикирики, јаткастите плодови и авокадото, може да придонесе за зголемување на телесната тежина и да влијае на вашиот струк“, објаснува Гудсон. Таа додава дека путерот од кикирики е богат со хранливи материи, но и со калории. „Иако е извор на здрави монозаситени и полинезаситени масти, како и протеини, содржи значително количество масти и важно е да се консумира умерено“, посочува таа.
За порталот Eat This, Not That, диететичарката истакна неколку добрите и лошите страни на консумирањето путер од кикирики. Таа истакнува дека ако често внесуваме повеќе калории отколку што е потребно, оваа дополнителна енергија се претвора во масти.
„Путерот од кикирики е релативно калоричен, така што прекумерното консумирање на него може да придонесе за вишок калории, што доведува до зголемување на телесната тежина.
Само затоа што путерот од кикирики може да предизвика зголемување на телесната тежина, Гудсон советува да се консумира умерено. „Прејадувањето може да доведе до зголемен внес на здрави и нездрави масти, што придонесува за севкупно зголемување на телесната тежина“, објаснува таа.
Како позитивна работа кај консумирањето путер од кикирики, диететичарката посочува дека тој промовира чувство на ситост. Причината за тоа е што содржи протеини кои прават да се чувствуваме сити и задоволни.
За оние кои го сакаат ова задоволство и сакаат да го јадат секој ден, Гудсон објаснува дека сепак можат да го сторат тоа. „Како регистриран диететичар, јадам путер од кикирики секој ден, но само околу 1,5 лажица во мојата овесна каша. Само внимавајте колку јадете“, истакнува таа, пренесува Eat This, Not That.