Биткоинот скокна на нивото од 20.000 долари за прв пат во историјата, така што тоа е уште една потврда дека крипто-валутите станаа целосно легитимна инвестиција оваа година, во која институционалните инвеститори сè повеќе влегуваат. Од почетокот на годината, биткоинот порасна дури 180 проценти.
Аналитичарите велат дека последниот скок на цените го поттикнале големи инвеститори како Пол Тудор Xонс и Стенли Дракенмилер кои ги „преместиле“ своите средства во криптовалути, а технолошките компании како „Сквер“ и „МикроСтрадеџи“ исто така се фокусирале на купување биткоин, пишува „Seebiz“.
Најновата рекордна вредност на биткоинот ги потсети многу набудувачи на пазарот за неговиот огромен раст од 2017 година, кога се приближи до цената од скоро 20.000 долари, по што одеднаш падна на нивото од приближно 3.000 американски долари следната година. Многу аналитичари се подготвени да тврдат дека вакво сценарио нема да се случи овој пат.
Овој раст на вредноста е само потврда, сметаат љубителите на криптовалутата, дека биткоинот ќе стане неизбежен дел од портфолиото на секој сериозен инвеститор во иднина, еден вид „дигитално злато“ во кое средствата ќе можат да се чуваат долго и безбедно.
Така, JPMorgan проценува дека институционалните инвеститори ширум светот, вклучително и пензиските фондови, би можеле да инвестираат дури 600 милијарди долари во биткоин. Неодамнешната инвестиција на американската осигурителна компанија „Mutual Life Insurance“ во биткоин во износ од 100 милиони долари најдобро го илустрира потенцијалот за понатамошна побарувачка на институционалните инвеститори во наредните години, пишуваа во извештајот од петокот.
Ова во голема мера може да ја зајакне улогата на биткоин, навистина би можеле да зборуваме за неговата масовна употреба, биткоинот ќе го отвори патот од семејните канцеларии и крипто-валутите на богати индивидуи до еден од најголемите играчи на финансискиот пазар.
Се разбира, никој нема илузија дека осигурителните компании и пензиските фондови кои имаат конзервативна политика (инвестициската сигурност е на прво место) би ризикувале поголем удел, но одреден процент од нивното портфолио би можело да се инвестира во криптовалути, што треба да биде на нивен трошок. Се разбира, ова ќе има и позитивно влијание на вредноста на крипто-валутите на долг рок.