СТАНДАРД life
КОМПАНИИ

Демистифицирање на никотинот: Неетички е да се лишат луѓето од помалку штетни алтернативи

Пушењето цигари е докажано најштетната форма на консумирање на никотин и должност е на владите, индустријата и општеството да обезбедат пушачите да имаат пристап до помалку штетни алтернативи кои содржат никотин. Ова е став на здравствениот активист и застапник на пристапот за намалување на штетите од тутунот, д-р Кгоси Летлапе во неодамнешниот брифинг под наслов „Демистифицирање на никотинот“.

„Неетички е да ги лишиме луѓето од алтернативи што се помалку штетни за нивното здравје и тутунот не е исклучок“, истакнува д-р Летлапе.

Тој тврди дека пристапот на Јужна Африка кон регулирање на помалку штетните производи од никотин треба да вклучува земање предвид на научните докази и најдобрите практики од други земји кои прават брз напредок во намалувањето на стапката на пушење и подобрување на здравствениот профил на нивните општества со вклучување на намалување на штети во нивниот пристап кон стратегиите за контрола на тутунот. Како пример ги наведува следните практики, каде што помалку штетните производи со никотин се регулираат поинаку од цигарите за да им овозможат на пушачите подобри алтернативи:

„Шведска го замени пушењето цигари со употреба на тутун без чад (снус); има 40 години епидемиолошки докази кои покажуваат дека Швеѓаните имаат најмалку проблеми со болести кои се припишуваат на употребата на тутун. Клиниките за откажување од пушење во Велика Британија ги поддржуваат пушачите кои не можат да се откажат да прифатат помалку штетни производи со никотин, како што се електронски цигари – тоа е дел од стратегијата на владата. Во Јапонија, каде што владата е и производител на согорливи производи од тутун, се дозволи воведување на производи кои го загреваат тутунот што го забрза падот на стапката на пушење, според студијата за Американското здружение за рак. Администрацијата за храна и лекови на САД донесе одлука за класификација на производи кои го загреваат тутунот како производ со модифициран ризик со информација за намалена изложеност, утврдувајќи притоа дека оваа одлука е соодветна за унапредување на јавното здравје во Америка. Исто така, дозволи маркетинг на одредени брендови на снус со информации дека имаат помал ризик од неколку болести поврзани со пушењето “.

Д-р Летлапе појаснува дека никотинот иако создава зависност и не е ризичен, не е главната причина за болести поврзани со пушењето. Тој го цитираше професорот Мајкл Расел роден во Јужна Африка, кој напиша во 1976 година: „Луѓето пушат за никотин, но умираат од катран“.

„Штетните хемикалии што се создаваат при согорување на тутунот се главната причина за болести поврзани со пушењето, а во смисла на намалување на штети, кога не гориме тутун, значително ги намалуваме нивоата на штетни хемикалии што се ослободуваат и на кои организмот е изложен“, додава д-р Летлапе. „Затоа, овие производи се помалку штетни од пушењето и луѓето треба да го знаат ова, за да

можат да изберат подобри алтернативи ако не се откажат од пушењето. Помалку штетно не значи безопасно “.

Тој објаснува дека терапиите за замена на никотин како лепенки, гуми за џвакање и пастили се нудат како алтернатива веќе некое време, но стапките на успех се ниски и често се забележува враќање на пушењето.

„Никотинските производи имаат различни профили на ризик и треба соодветно да се регулираат, ние не ги регулираме или оданочуваме никотинските лепенки, гуми за џвакање и пастили на ист начин како цигарите, па зошто да ги регулираме и оданочуваме електронските цигари и производите кои го загреваат тутунот на ист начин како и цигарите? Ова само ќе им отежни на луѓето да добијат информации за нив и да си ги дозволат. Даночната политика мора да го направи намалувањето на штетите достапно – пониските даночни стапки ќе ги поттикнат луѓето да направат промена кон подобри производи од цигарите, а повисоките даноци нема. Намалувањето на штетите мора да биде достапно. Ако ги префрлиме луѓето на помалку штетни алтернативи, ќе го намалиме товарот врз здравствениот систем на долг рок што резултира со поголеми заштеди во здравствените трошоци кога имаме поздрави граѓани.“

Според д-р Летлапe постојат четири групи зависници во однос на тутунската индустрија: владата е зависна од даноци, индустријата е зависна од профит, пушачите се зависници од никотин, а здравствените работници или експерти се зависни од нивниот став против пушењето.

Пушачите треба целосно да се откажат од пушењето и никотинот, но оние кои не го прават тоа, треба да се префрлат на помалку штетни алтернативи. Пушачите се луѓе и имаат човекови права. Ако се одлучуваат за лоши навики, ние сме должни да осигуриме изборот што ќе го направат да биде помалку штетен за нивното здравје.

„Постојат здравствени работници и експерти за тутун кои ги напаѓаат помалку штетните алтернативи и шират невистини, велејќи дека овие производи се подеднакво штетни или дури и поштетни од согорливите цигари. Наша должност е да осигуриме дека постои вистинска комуникација за помалку штетните производи кои содржат никотин “.

Поврзани вести

Кој е Енди Џеси – новата „ајкула“ на Амазон?

Влатко Зорба

Маск сподели „оглас за вработување“: Се бараат 10.000 работници, диплома не е потребна

Влатко Зорба

Заштитни маски и ракавици за посетителите на бензинските станици со брендот ОКТА во Скопје

msp-admin