Леб, брашно и колачи добија еднородителските семејства кои се членови на Здружението „Една може“. Станува збор за донација од компанијата „Жито Лукс“.
Претседателот на Здружението, Дороти Пачкова ја изрази својата благодарност и верување дека оваа донација, покрај значајната поддршка за семејствата, ќе помогне и за зголемување на свесноста и препознавањето на потешкотиите со кои се соочуваат самохраните родители, особено во услови на пандемија.
– Сите знаеме дека е тешко да се растат и воспитуваат деца, а уште потешко е кога станува збор за еднородителско семејство. Особено сега, во услови на пандемија, пречките и проблемите со кои се соочуваат нашите членови се поголеми и донациите и поддршката, како оваа се и тоа како потребни и добредојдени. Оваа донација зборува многу за способноста на една општествено одговорна компанија да препознае каде навистина е потребна поддршка, изјави Пачкова.