Стандард
КОМПАНИИ

eBay подготвен да прифаќа криптовалути

Платформата за трговија преку Интернет eBay е отворена за можност за плаќање со криптовалути, изјави извршниот директор Џејми Јаноне.

eBay веќе го прошири својот опсег на платни инструменти и сега прифаќа, на пример, Apple и Google Pay, и ќе продолжи да разгледува други алтернативи, како што се криптовалути, рече Јаноне во интервју за CNBC во понеделникот.

Ова не е прв пат компанијата да „флертува“ со криптовалути, забележува агенцијата „ДПА“, потсетувајќи дека поранешниот шеф на eBay, Џон Донахју, во 2013 година изјави дека се подготвени да прифатат плаќања со биткоин.

Тие планови пропаднаа и нешто помалку од две години потоа, Донахју го напушти eBay.

Дел од групата на eBay некогаш беше и компанијата за плаќање преку Интернет, PayPal, но во 2015 година беше одвоена во независна компанија.

Paypal веќе прифаќа плаќања во криптовалути, посочува „ДПА“.

Поврзани вести

ММФ ја зголеми прогнозата за раст на светската економија на 6% за 2021 година

Влатко Зорба

Со музика и многу гости Кнауф го прослави јубилејот – 25 години во Македонија

msp-admin

Бајден ќе замени 650.000 владини возила со електрични автомобили

Влатко Зорба
error: Превземањето на содржина без дозвола од авторот е дело казниво со закон!!!