СТАНДАРД life
КОМПАНИИ

Германија ја зголеми проценката за економски раст за оваа година

Германската влада ја зголеми проценката за економски раст оваа година од 3 на 3,5 проценти благодарение на неочекувано добрите резултати во последниот квартал од минатата година, изјави денес неименуван извор.

Во 2022 година, според изворот, во Берлин проценуваат дека економијата треба да порасне за 3,6 проценти.

Министерството за економија одби да ги коментира информациите. Владата треба да ги претстави своите прогнози во вторник.

Водечките германски економски институти на почетокот на овој месец проценија дека најголемата економија во Европа ќе порасне 3,7 проценти оваа година и 3,9 проценти во 2022 година.

Очекувањата на германските бизнисмени само малку се подобрија во април, ослабени од третиот бран на пандемијата Ковид-19 и недостигот на полупроводници во автомобилскиот сектор, покажа денес студијата на Институтот „Ифо“.

Извозно-ориентираната индустрија моментално се одвива добро благодарение на зголемената побарувачка од Кина и САД, додека услужниот сектор, насочен кон домашниот пазар, е попречен од построгите ограничувања наметнати за спречување на третиот бран на пандемијата Ковид-19.

Поврзани вести

Доаѓа зима и нема седење надвор – како рестораните ќе ја „преживеат“ кризата?

msp-admin

Икеа почна да продава и мали домови

msp-admin

Продажбата на автомобили во ЕУ ќе биде за 25 проценти помала оваа година

msp-admin