Стандард
КОМПАНИИ

GreatWall ќе произведува електрични автомобили на Xiaomi

Xiaomi регистрираше нови брендови кои јасно ја покажуваат намерата на компанијата да влезе на пазарот за автомобили. Ова се брендовите Xiaomi Auto и Xiaomi Automobile.

Неодамна во медиумите кружат гласини дека кинеската компанија планира да создаде своја сопствена марка на електрични автомобили. Се вели дека производството ќе му биде доделено на автомобилскиот гигант Great Wall Motors.

Кинеските медиуми објавија дека работата на електричниот автомобил на Xiaomi ќе започне во рок од 1-2 месеци (најверојатно во април), а ветеран на компанијата е назначен за менаџер на проектот. Според извори, Ванг Чуан во моментов регрутира персонал од кинеската автомобилска индустрија.

Издание на Ројтерс тврди дека Xiaomi води разговори со Great Wall за производство на своето прво електрично возило. Преговорите се или во завршна фаза или се веќе завршени, бидејќи се очекува соработката да биде објавена следната недела. Можно е Xiaomi да го стори ова на настан на 29 март.

Во позадина на овие гласини, акциите на Xiaomi пораснаа за 6%. Електричниот автомобил на компанијата се очекува да биде насочен кон масовниот потрошувач – слично на паметните телефони. Ова значи дека ќе биде поевтин од Tesla Model 3 и перспективниот Model 2, односно по цена од околу 20.000 американски долари.

Great Wall активно ја советува Xiaomi за разни прашања поврзани со развојот на автомобили, што досега не го сторил за никој друг. Производителот на автомобили има своја марка на електрични автомобили Оrа, а во 2019 година го претстави компактниот модел R1 со дострел од 350 километри и цена од само 16.000 долари.

Можно е развојот на настаните за овој и другите модели на Ora да се користат во автомобилите Xiaomi, бидејќи тие ќе бидат во иста категорија на цени.

Поврзани вести

„Визер“: 24 нови рути на пазарите во поранешна Југославија

Влатко Зорба

Проценките ѝ даваат на Европа придобивка од 5G од околу 210 милијарди евра

msp-admin

Свечено отворање на новата книжарница на „Литература.мк“ во „Скопје сити мол“

msp-admin