На почетокот на 2021 година, германските работодавци малку ги намалија плановите за вработување нова работна сила.
Барометарот за вработување, пресметан од институтот iFo, се намали на 95 поени во јануари од декемвриското ниво од 95,5 поени, сподели институтот, додавајќи дека обновените мерки за заклучување поради короната доведуваат до зголемени отпуштања, особено во малопродажниот сектор.
Во производствениот сектор, барометарот за вработување се подобри во јануари осми месец по ред, од минус 11 поени во декември на минус 10 поени овој месец. Сепак, и понатаму се мнозинство компаниите кои планираат да ја намалат работната сила во наредниот период.
Меѓу давателите на услуги, бројките за вработување и отпуштања се повеќе или помалку избалансирани. Консултантски компании за ИТ секторот и управувањето имаат намера да продолжат да го зголемуваат бројот на вработени.
Најмногу најавувани отпуштања во јануари беа во секторот за трговија на мало поради продолжување на блокадата, со показател за барометар за вработување на минус 8,9 поени од минус 1,5 поени во декември. Единствениот позитивен исклучок во бизнисот со малопродажба се супермаркетите, кои сепак планираат да вработат нов персонал.
Некои компании во градежната индустрија, и покрај зимската сезона кога нивната активност обично се намалува, размислуваат и за нови вработувања.