Стандард
КОМПАНИИ

JPMorgan: Армијата во Reddit нема да предизвика голем пад на пазарот

Битката меѓу трговците на мало и хеџ фондовите веројатно нема да предизвика сериозен пад на пазарите, велат експертите од JPMorgan, цитирани од „Блумберг“.

Големи падови обично се јавуваат кога има полоши изгледи за раст, како и знаци на преценета вредност надвор од односот „цена-заработка“ и кредитни распони, пишуваат во белешката стратезите на банката, предводени од Џон Норманд.

„Неколку пазари покажуваат знаци на невообичаено зголемување на цената или прекумерно финансиско влијание за инвеститорите“, рече тој.

„Развојот на конфликтот меѓу инвеститорите во малопродажба и хеџ фондовите нема да биде толку силен како падот од 10 проценти што се случуваше скоро на годишно ниво во последните две децении“, рече Норманд. „Нашата алатка за следење на балони, заснована на невообичаен импулс на цени, проценки и моќ на инвеститорот, не свети црвено на ниво на класа на средства“, додаде тој.

Инвеститорите, инспирирани од дискусиите на WallStreetBets, се фокусираа на акции како „GameStop“, во позадина на „кратките позиции“ што ги држат хеџ фондовите. Нестабилноста ги загрижи играчите на берзата минатата недела, но глобалните акции пораснаа во понеделникот, бидејќи некои од овие стравови се повлекоа.

„Никој не смее да ја исклучи комбинацијата на децентрализирано финансирање и растечкото влијание на трговците што можат да управуваат со пазарите“, рече Норманд.

„Се чини претерување да се мисли дека ова ќе биде убодот, што ќе ги пукне балоните создадени со програмите за квантитативно олеснување“, додаде тој.

Поврзани вести

Над 100 економисти, политичари и активисти бараат од Лагард отпишување на јавниот долг на земјите-членки на Еврозоната

Влатко Зорба

Велика Британија размислува за повисоки даноци за компаниите кои профитираа во пандемијата

Влатко Зорба

Доларот зајакна во однос на кошницата со валути по пад од две недели

Влатко Зорба