Македонската статистика за септември покажува дека просечната исплатена нето плата во земјава била 27.405 денари. Сепак, постојат и такви занимања во земјава што земаат просечна плата што е далеку под државниот просек.
Според статистичките податоци, дејност што има најниска просечна плата, помала од 20.000 денари, е заштитни и истражни дејности со 16.587 денари
Меѓу дејности чија просечна исплатена нето плата во септември не надминува 20.000 денари се и:
*рибарство и аквакултура со 17.442 денари.
*дејности за подготовка на оброци и служење на храна со 17.684 денари
*услуги поврзан со одржување на згради и дејности на уредување и одржување на животната средина и природата со 17.819 денари
*туристички агенции, организатори на патувања (туроператори) и останати резервациски услуги како и дејности поврзани со нив со 17.966 денари
*објекти за сместување со 19.224 денари и
*производство на мебел со 19.559 денари.