Украина го обнови увозот на електрична енергија од Русија и во моментов увезува околу 200 мегават часови, објави државната електроенергетска компанија „Укенегро“ на својата веб-страница.
Во јануари годинава украинските компании исто така продолжија комерцијален увоз на електрична енергија од Белорусија, со капацитет меѓу 310 и 480 мегавати, објави агенцијата ТАС С.
Претходно, во декември 2019 година, Украина забрани увоз на електрична енергија од Русија.
Во тоа време, украинскиот претседател Владимир Зеленски потпиша измени и дополнувања на законот за пазар на електрична енергија, со кој конкретно се забранува продажба и снабдување со електрична енергија увезена од Русија.
– Со закон се утврдува забраната за продажба и / или снабдување со електрична енергија што се увезува од Руската Федерација- беше напишано во тогашното соопштение.
Како што е прецизирано, украинската влада „има право да ја укине оваа забрана за период што го определува со цел да се избегне вонредна состојба во унифицираниот енергетски систем на Украина“.