СТАНДАРД life
КОМПАНИИ

„Кроација ерлајнс“: Недозволиво е ние да го финансираме влезот на „Рајанер“ во Хрватска

„Кроација ерлајнс“ се огласи по повод пристигнувањето на ирската „Рајанер“ во Хрватска, оценувајќи дека „недозволиво е национална авиокомпанија да финансира влез на конкуренција на хрватскиот пазар“ и да побара подобри услови од оние што им се понудени на „Рајанер“.

Во изјавата пренесена од порталот „Индекс“, „Кроација“ бара од меѓународниот аеродром во Загреб (МЗЛ), како негов долгорочен најголем корисник со повеќе од 50 проценти удел во вкупниот годишен сообраќај на патници, „усогласување на договорните услови и подобри трговски услови од оние кои ги добил „Рајанер“.

Компанијата посочува дека очекува на претстојните состаноци да бидат договорени подобри услови за „Кроација ерлајнс“.

– Голем број на силни конкуренти е пазарна реалност со која „Кроација“ се соочува во бизнисот уште од своето основање, и навистина нема ништо спорно во тоа, сепак, е недозволиво национална авиокомпанија да финансира влез на нови превозници на пазарот – стои во соопштението.

Како поддршка на ова, се наведува како пример дека „Кроација ерлајнс“, според условите понудени на „Рајанер“, во 2019 година за услугите на аеродромот во Загреб би платила 135,38 милиони куни (17,9 милиони евра) помалку од сумата што всушност била платена.

Тоа, додаваат, би значело дека компанијата ќе пријави нето добивка од над 55 милиони куни (околу 7,3 милиони евра) наместо наведената нето загуба од околу 80 милиони куни (10,6 милиони евра) во таа година.

„Кроација ерлајнс“ забележува дека условите понудени за „Рајанер“ се објавени на веб-страницата на МЗЛ Загреб, покрај неодамна објавениот Модел на стимулации за раст на сообраќајот на тој аеродром, што, како што тврди, било предуслов за пристигнување на ирската ниско-тарифна авиокомпанија.

Хрватската компанија вели дека стимулативниот модел „го камуфлира најавениот сообраќај на „Рајанер“ и дестинациите до кои лета „Кроација“, и дека „Кроација ерлајнс, свесна за постојното законодавство, ја предупредува хрватската јавност за нарушување на еднаквата конкурентност на пазарот и потенцијалните штетни ефекти поради очигледни интереси на инволвирани страни “.

Поврзани вести

Магнет за оние кои сакаат лесна заработувачка: Како функционира измамата со клон компании?

Влатко Зорба

Кој е човекот кој си исплатил рекордни 343 милиони фунти во Велика Британија?

Влатко Зорба

Русија и Емиратите развиваат нов суперсоничен патнички авион

Влатко Зорба