Кризата предизвикана од пандемијата на коронавирус ќе ја погоди силно Барселона каде превирањата во администрацијата се во тек.
Затоа клубот одлучи да ги продаде правата на името на стадионот „Ноу Камп“, откако дел од средствата ќе одат во медицинскиот систем на Шпанија, додека остатокот ќе го задржи клубот.
Тука во приказната влегува легендарниот Мајк Тајсон.
Прославениот боксер, заедно со неговиот деловен партнер Алки Дејвид, има многу успешна компанија наречена „Svissx“ која произведува канабис и хербални производи, што е целосно легално во делови од Соединетите држави.
„Тоа е голем стадион. Баравме начин да ја промовираме нашата компанија и сметаме дека е одлична идеја. Мојата компанија се занимава со канабис, а Шпанија е позната дека има многу позитивен став за легализација на канабисот, па затоа е совршено логична идеја“, рече Дејвид, пренесува БиБиСи.