Стандард
КОМПАНИИ

Г20: Светската економија покажува знаци на закрепнување

Глобалната економска состојба се подобрува, но многу бавно како резултат на неизвесноста и големиот јаз меѓу економиите на различни земји, напишаа министрите за економија и финансии и шефовите на централните банки на земјите од Г-20 во заедничката изјава по видео-конференцијата одржана на среда.

Г20 признава дека има знаци на подобрување на глобалната економска состојба по значителниот пад во 2020 година. Ова може да се припише на започнување на кампањи за вакцинација и политики за поддршка на економијата.

Но, министрите и централните банкари предупредуваат на несигурност и нестабилност, како и на големата разлика меѓу земјите во темпото и изгледите за закрепнување на економијата, се вели во документот објавен на веб-страницата на италијанското министерство за економија и финансии, кој е претседател на форумот Г20.

Земјите од Г20 ја потврдуваат својата заложба за зајакнување на глобалните здравствени системи и правична дистрибуција на вакцини (против коронавирус), за кои се вели дека се достапни за сите.

Покрај тоа, како дел од поддршката на најранливите земји, Г20 одлучи да ја продолжи иницијативата за суспензија на долгот за уште шест месеци – до декември.

Тие, исто така, разговараа за воведување на меѓународна минимална стапка на данок на добивка, тема особено чувствителна на различните даночни раеви и компании кои избираат да плаќаат што е можно помалку данок.

Посебна тема на дискусија беше проблемот со климатските промени.

Следниот, трет по ред, состанок на министрите за економија и финансии и шефовите на централните банки под италијанско претседателство ќе се одржи од 9 до 10 јули во Венеција и ќе се совпадне со конференција на високо ниво за климата.

Г20 се состои од 19 најразвиени земји во светот, заедно со Европската унија. Членови на земјите од Г20 се министри за финансии и гувернери на централни банки.

Поврзани вести

Шефот на СЕФ со лоша прогноза за капитализмот

Влатко Зорба

ОЕЦД ја зголеми проценката за глобалниот раст за 2021 и 2022 година

Влатко Зорба

Бафет ги советува Американците што треба да направат со чековите од 1.400 долари

Влатко Зорба
error: Превземањето на содржина без дозвола од авторот е дело казниво со закон!!!