Биткоинот често се нарекува дигитално злато. И сега врвен стратег во најголемата светска фирма за управување со средства вели дека оваа криптовалута може еден ден да го замени жолтиот метал како безбедна инвестиција.
Цените на биткоинот се зголемија за четири проценти на повеќе од 18.700 американски долари во петокот – близу до врвот од 20 000 долари во декември 2017 година – откако извршниот директор на BlackRock (BLK) Рик Ридер рече во интервју за CNBC дека биткоинот е „тука да остане“.
„Дали мислам дека тоа е издржлив механизам што во голема мера може да го заземе местото на златото? Да, знам, бидејќи е многу пофункционален од златната шипка“, рече Ридер
Потврдата на компанијата BlackRock, која управува со средства од скоро осум милијарди долари, е последниот знак за потврда на биткоинот од главниот финансиски свет, пишува Си-Ен-Ен.
Многумина го прифатија системот за наплата како одржлив метод на плаќање, а влијателните менаџери на хеџ фондови Стенли Дракенмилер и Пол Тудор Џонс го оценија како инвестиција.
Инвеститорите се повеќе го гледаат биткоинот како остварлива алтернатива на хартиените валути кои ги поддржуваат владите.