Во текот на минатата година, во земјава се увезени мобилни телефони во вредност од 69.930.000 долари или 3,1% повеќе во споредба со 2018 година.
Податоците на World’s top exports покажуваат дека увозот на мобилни телефони лани беше на ниво од 282,3 милијарди долари или 9,2% помалку во однос на 2018 година.
САД се најголем увозник на мобилни телефони во светот со 19,4% или 54,7 милијарди долари. Меѓу петте најголеми увозници на мобилни телефони во светот лани беа и: Хонгконг (37 милијарди долари), Јапонија (15,4 милијарди долари), Холандија (15,3 милијарди долари) и Германија (11,5 милијарди долари).
Од регионот, најголем увозник е Грција со 482,3 милиони долари. Потоа следуваат: Бугарија (480,5 милиони долари), Словенија (320,9 милиони долари), Хрватска (309,5 милиони долари), Србија (297,7 милиони долари) и Босна и Херцеговина (77,4 милиони долари).