Стандард
КОМПАНИИ

Најголемата словенечка марина Порторож продадена на Јапонци

Операторот и сопственик на словенечката бања „Терме Чатеж“ ја продал марината Порторож на јапонски купувач, јавија словенечките медиуми.

„Дело“ наведува дека купувачи се јапонски инвестициски фондови и дека цената е под 15 милиони евра, додека „Приморске новице“ објави дека јапонска мултинационална компанија ја купува марината за 16 милиони евра.

Продажбата беше објавена пред неколку недели од Бојан Петан, чијашто издавачка компанија „Државно заложбе Словеније“ / ЦБС / е сопственик и управува со „Терме Чатеж“.

Тој тогаш објави дека продажбата на марината е дел од договорот со доверителите на ЦБС за финансиско преструктуирање на долгот и дека потегот е координиран со најголемиот доверител – инвестицискиот фонд „Јорк“.

„Приморске“ потсетува дека Питер Полиќ од групата „ПиП“ од Луција кај Пиран пред скоро три години понуди 40 милиони евра за марината Порторож и земјиште наменето за крајбрежниот бањски комплекс, тениски терени и бунгалови, но овојпат неговата компанија не аплицираше за купување.

Општина Пиран потврди дека биле информирани дека постапката за продажба е во завршна фаза и дека се надеваат дека новиот сопственик добро ќе ја развие деловната активност на марината.

Поврзани вести

„Back to the Future“ планот на Razr се соочува со предизвици

msp-admin

Apple ќе инвестира над милијарда евра во Европски центар за 5G и безжични технологии во Минхен

Влатко Зорба

Швајцарска и германска компанија излегуваат од „Северен тек 2“

Влатко Зорба
error: Превземањето на содржина без дозвола од авторот е дело казниво со закон!!!