Дека скоро секој вид активност на Интернет може да биде предмет на некаков хакерски напад, што резултира со кражба на податоци, сведочи и растечкиот број напади кои влијаат на гејмерите.
За тоа сведочат резултатите од новата студија, според која на секој десетти гејмер во светот во одреден момент му биле украдени личните податоци. Поточно, 12 проценти од 179 милиони гејмери на глобално ниво.
Бидејќи просечната сметка на Steam player вреди 1,936 долари, се проценува дека вредноста на украдените податоци може да достигне дури 347 милијарди долари.
Истражувањето е спроведено на примерок од 5.031 гејмер од 17 земји. Скоро една петтина од испитаниците (19% од нив) изјавиле дека доживеале некакво вознемирување додека играле игри. Овој тренд е најизразен во Русија (44 проценти), Саудиска Арабија (27 проценти), Турција (28 проценти) и САД (27 проценти).
Една третина од вкупниот број на гејмери (33 проценти од нив) биле жртви на измама. Последиците од тоа, како што покажуваат резултатите од истражувањето, се стресот и вознемиреноста што ги доживеале 31% од гејмерите.
Интересно, тој процент претставува половина од бројот на играчи кои наведуваат дека ослободувањето од стрес е една од главните причини за играње игри (62 проценти од нив), покрај желбата за возбуда (62 проценти) и дружењето (46 проценти).
Глобалните истраги за кражба на податоци во гејмингот беа спроведени од Касперски и Саванта во ноември оваа година.