Продуктивноста во Велика Британија го доживеа својот најголем пад во последните 250 години. И оваа „перфектна бура“ е предизвикана од три фактори, според студијата објавена оваа недела и цитирана од Блумберг.
До 2018 година, индикаторот беше скоро 20% под нивото пред 2008 година, и ова е најсериозното забавување од периодот 1760-1800 или кажано на друг начин, за време на Индустриската револуција на Островот.
Значајната контракција на продуктивноста до овој период веројатно е предизвикана од крајот на брзата експанзија во областа на технологијата и комуникациските технологии, од пост-ефектот на финансиската криза и од „Brexit“.
„Ова е шокантно слабо претставување“, рече Николас Крафтс, кој беше еден од ко-авторите на студијата, составена од Универзитетот во Сасекс и универзитетот Лоуборо. Во документот, исто така, се вели дека иако новите технологии дадоа значителен поттик на продуктивноста во почетокот на 21 век, тие придонесоа за помалку од една четвртина од неговата експанзија во деценијата по 2008 година. Нова револуција може да биде на хоризонтот со развојот на вештачката интелигенција, но досега таа сè уште немала значителен ефект врз економијата, велат економистите.