Компанијата Sleep Standards, која произведува душеци, сака да тестира колку се тие навистина добри – и тоа не само за спиење. Затоа на паровите им понуди 3.000 долари за тестирање – треба да имаат секс на пет различни душеци, а потоа да го изберат најдобриот.
„Секоја недела ќе ви испраќаме нов душек и се што треба да направите е да ни дадете искрени критики за тоа колку е добар тој душек за секс. Така е, може да бидете платени за она што го правите во вашиот секојдневен живот“, стои во огласот на компанијата Sleep Standards.
„Сите знаеме дека лош душек може да доведе до проблеми во креветот, а добар душек може да направи чуда. За да им ги спасиме луѓето маките да бараат удобен душек преку обиди и грешки, го смисливме овој експеримент. Нашата цел е да го најдеме најдобриот душек за секс и ни треба вашата помош“, се наведува.
Како што се очекуваше, се јавија огромен број парови, а компанијата соопшти дека ќе изберат пет случајни парови кои ќе добијат можност да ги тестираат душеците и да заработат 3.000 долари.