Стандард
КОМПАНИИ

Туризмот тоне, а се отвораат 1.000 нови хотели

Туризмот беше видно загрозен за време на пандемијата „Ковид-19“, која блокираше милијарди светски патници дома. Како резултат, страдаат авиокомпаниите, сопствениците на станови, но и големите светски хотели.

Според угостителската компанија „СТР“, стапката на зафатеност во нив се спуштила под 30% во Европа во текот на март. Податоците на „М3“, компанија која обезбедува сметководствени услуги на хотели низ САД, пак покажуваат дека зафатеноста била за 50% пониска, дури и кога хотелите ги спуштиле цените.

Сето тоа е дел од рецесијата што ММФ ја предвиде во јуни и која ќе достигне глобална загуба од 12,5 трилиони американски долари – скоро 5% од бруто домашниот производ во светот.

Тоа е мрачна слика за секој што започнува било каков бизнис, но сепак, „Хилтон“ отвори 60 нови хотели низ целиот свет во вториот квартал од оваа година, додека „Мериот“ воведе 163 сместувачки капацитети од почетокот на 2020 година – вклучително и четири „Риц-Карлтон“. Помалите играчи, исто така, го следат овој тренд.

Сопствениците на брендот за убавина „Фреш“ започнаа со угостителство за прв пат овој месец, со отворање хотел во њујоршката долина Хадсон, кој има 11 соби. Хотелите „Нобу“ го зголемија своето портфолио за една третина во последните неколку месеци со нови имоти во Чикаго, Лондон и Варшава.

Според „Tophotelnews“, дополнителни 775 хотели треба да се отворат само во Америка до крајот на 2020 година. Додека тоа звучи противречно, во услови на криза со короната што го уништи туризмот, експертите велат дека тоа всушност има смисла.

За многу нови хотели, одлуката за отворање трае со години – и чини милиони долари. Генерално, на хотелите им се потребни две до пет години за да се развиваат и да работат. Вклучувајќи земјиште, трошоци за изградба може да се движат од неколку милиони долари до неколку милијарди долари.

Со зафатеност од 50%, средствата генерално имаат доволен проток на пари за да остварат платен список, доколку стапките на зафатеност останат стабилни, додека 70% обезбедат здрав поврат на инвестицијата.

Според „СТР“, стапката на зафатеност во американските хотели била под 43% во јуни. И покрај тоа, отворањето на нови објекти е „битка“ за да се покријат фиксни трошоци, како што се даноци, осигурување, некои менаџерски плати, одржување и основни трошоци за електрична енергија – за кои мора да се плати, без оглед дали имотот е отворен или затворен.

Поврзани вести

Google и ЕУ ќе се објаснуваат на суд за улогата на компанијата во Интернет просторот

msp-admin

1,2 милијарди помалку патници на авиокомпаниите заради коронавирусот

msp-admin

ФИТР: 158 предлог дигитални решенија за справување со последиците од КОВИД-19 одат во фаза на финална селекција

msp-admin