СТАНДАРД life
КОМПАНИИ

УЈП: Остварен 9,5 пати поголем промет од македонски прозиводи во „Викендот без ДДВ“ во однос на истиот 2019 година

Управата за јавни приходи го заокружи првиот „Викенд без ДДВ“ преку кој граѓаните можеа да остварат враќање на целосниот износ на ДДВ за купените македонски производи и услуги и компјутерска опрема. Во деновите 10, 11 и 12 октомври 2020 година, вкупно 204.088 граѓани купиле македонски производи и услуги како и компјутерска опрема и издадените фискални сметки ги скенирале преку апликацијата МојДДВ.

Во Викендот без ДДВ остварен е промет од 558 176 715 денари со што граѓаните ќе остварат враќање на ДДВ во износ од 66 853 929 денари.
Управата за јавни приходи ќе им ги исплати парите на граѓаните на нивните трансакциски сметки во рок од 15 дена од последниот ден на скенирање на фискалните сметки.

Од анализите и споредбите што ги направи Управата за јавни приходи потрошувачката на македонски производи во овој Викенд без ДДВ во споредба со потрошувачката на истите производи во претходните викенди во истиот месец е за 2.2 пати зголемена.

Дополнително скенирани се 3 пати повеќе фискални сметки и остварен е и 9,5 пати поголем промет од македонски прозиводи овој викенд во однос на истиот од минатата година.

Првата мерка од четвртиот сет на антикризни мерки што ги донесе Владата на Република Северна Македонија стартуваше токму со мерката „Викенд без ДДВ“ кој целосно ја спроведе Управата за јавни приходи. Резултатите од оваа мерка се повеќе од успешни бидејќи значат повеќе пари назад кај граѓаните, зајакнување на домашниот буџет и истовремено зголемена потрошувачка на македонски производи и услуги. Поттикнување на промет кај македонските компании е поддршка во услови на криза, која влијае и на подобрување на ликвидноста на компаниите, велат од УЈП.

Поврзани вести

Обновливите извори на енергија мора да ги потиснат фосилните горива

Влатко Зорба

Сопственикот на „Louis Vuitton“ е новиот најбогат човек на светот

Акционери на Стопанска Банка: Дивидендата – грчка, корпоративното управување и супервизијата – македонска

msp-admin