Германски стартап за летачки такси Volocopter бара регулаторно одобрување за работа на неговото превозно средство со вертикално полетување во САД, пренесува „Блумберг“.
Се разгледува апликација за сертифицирање на Volocopter што ќе отвори можности за летови кон градови како Лос Анџелес, Њујорк, Сан Франциско и Вашингтон во следните две до три години, соопшти компанијата.
Volocopter планира да започне со работа во Сингапур до 2023 година, а цената на 15-минутните туристички летови е околу 360 американски долари. Моделот со две седишта го изврши својот прв тест со екипаж во 2011 година и оттогаш има повеќе од 1.000 летови.
Компанијата бара одобрување од Федералната администрација за воздухопловство на САД, како и од Европската агенција за безбедност на воздухопловството и властите во Сингапур.