СТАНДАРД life
КОМПАНИИ

Хан: Време е да се ревидираат правилата за јавен долг

Европскиот комесар за буџет, Јоханес Хан повика на јасно пофлексибилни правила за високо задолжените земји по завршувањето на пандемијата на коронавирусот.

„Целите на фискалната политика мора да бидат достижни за земјите“, рече тој во интервју за германски „Велт“, пренесе Танјуг.

Особено, тој се залага за олеснување на границата од 60 проценти од БДП за јавниот долг, како што е предвидено во критериумите од Мастрихт.

„Наместо да се пропише крут лимит на вкупниот државен долг од 60 проценти од БДП за секоја земја во иднина, треба да се договорат реални цели за вкупниот долг со текот на времето и конкретни мерки за намалување на долгот со секоја земја“, рече Хан.
Додаде дека задолжените држави мора да спроведуваат постојани структурни прилагодувања и консолидации во државните трошоци.

Хан смета дека денес, 24 години по одлуката за Пактот за стабилност и раст, на сите 19 земји од еврозоната веќе не може да се гледа подеднакво.

„Повеќе не е целисходно за сите земји да повторуваат истовремено дека треба да се придржуваат до горната граница во однос на долгот од 60 проценти од БДП“, потенцира тој.

Хан смета дека земји како Грција со долг од 205,6 проценти од БДП или Италија со долг од 155,8 проценти од БДП се толку далеку од барањата на Пактот за стабилност што не можат да ги исполнат критериумите на Мастрихт од 60 проценти од вкупниот долг на среден рок како и дека тука не помагаат никакви санкции.

Според него, погодените земји треба да имаат можност да инвестираат.

„Високо задолжените земји првично треба да се фокусираат не само на намалувањето на долгот, туку им требаат и доволно средства за инвестиции на владата, што потоа доведува до поголем приход и намалување на товарот на долгот преку поголем економски раст“, ​​објасни Хан, кој очекува, по летото, да разговара за ревизијата на Пактот за стабилност.

Поврзани вести

Работите под притисок? Ако е за утеха, не сте сами

msp-admin

Секој петти вработен во Србија работи од дома

msp-admin

Руската Сбербанк се подготвува да пушти сопствена криптовалута до пролет

Влатко Зорба